ஐபிஎல் போட்டிகளில் ராயல் சேலஞ்சர்ஸ் பெங்களூரு வீரர் விராட் கோலி புதிய சாதனை ஒன்றை படைத்துள்ளார்.

ஐபிஎல் தொடரில் பெங்களூருவில் நடைபெற்ற நேற்றைய ஆட்டத்தில் ராயல் சேலஞ்சர்ஸ் பெங்களூரு மற்றும் சென்னை சூப்பர் கிங்ஸ் அணிகள் விளையாடின. பரபரப்பாக சென்ற இந்த போட்டியில் சென்னை சூப்பர் கிங்ஸை 2 ரன்கள் வித்தியாசத்தில் வீழ்த்தி ஆர்சிபி த்ரில் வெற்றி பெற்றது.

இதையும் படிக்க: கிளன் மேக்ஸ்வெல்லுக்குப் பதிலாக பஞ்சாப் கிங்ஸில் ஆஸி. ஆல்ரவுண்டர் சேர்ப்பு!

வார்னரின் சாதனையை முறியடித்த விராட் கோலி

சிஎஸ்கேவுக்கு எதிரான நேற்றைய போட்டியில் அதிரடியாக விளையாடிய விராட் கோலி 33 பந்துகளில் 62 ரன்கள் (5 பவுண்டரிகள், 5 சிக்ஸர்கள்) எடுத்தார்.

இதன் மூலம், ஐபிஎல் தொடரில் அதிக முறை 500 ரன்களுக்கும் அதிகமாக குவித்த வீரர் என்ற சாதனையை விராட் கோலி படைத்துள்ளார். இதற்கு முன்பாக, 7 சீசன்களில் 500 ரன்களுக்கும் அதிகமாக குவித்து டேவிட் வார்னர் மற்றும் விராட் கோலி சமநிலையில் இருந்தனர்.

இதையும் படிக்க: கலீல் அகமது ஓவரில் 33 ரன்கள் அடித்தது எப்படி? ரோமாரியோ ஷெப்பர்டு பதில்!

இந்த சீசனில் 500 ரன்களைக் கடந்ததன் மூலம், டேவிட் வார்னரின் சாதனையை விராட் கோலி முறியடித்தார். நடப்பு ஐபிஎல் தொடரில் இதுவரை 11 போட்டிகளில் விளையாடியுள்ள விராட் கோலி 505 ரன்கள் எடுத்து, அதிக ரன்கள் குவித்துள்ளவர்கள் பட்டியலில் முதலிடத்தில் உள்ளார்.

ஐபிஎல் தொடரில் அதிக முறை 500+ ரன்களைக் கடந்த வீரர்கள்

விராட் கோலி - 8 முறை

டேவிட் வார்னர் - 7 முறை

கே.எல்.ராகுல் - 6 முறை

ஷிகர் தவான் - 5 முறை

நடப்பு ஐபிஎல் தொடரில் டேவிட் வார்னர் விளையாடாதது குறிப்பிடத்தக்கது.