ஐபிஎல் தொடரில் மும்பை இந்தியன்ஸுக்கு எதிரான போட்டியில் டாஸ் வென்ற குஜராத் டைட்டன்ஸ் பந்துவீச்சைத் தேர்வு செய்துள்ளது.

ஐபிஎல் தொடரில் மும்பை வான்கடே திடலில் நடைபெறும் இன்றையப் போட்டியில் மும்பை இந்தியன்ஸ் மற்றும் குஜராத் டைட்டன்ஸ் அணிகள் விளையாடுகின்றன.

இந்தப் போட்டியில் டாஸ் வென்ற குஜராத் டைட்டன்ஸ் அணியின் கேப்டன் ஷுப்மன் கில் பந்துவீச்சைத் தேர்வு செய்துள்ளார். இதனையடுத்து, மும்பை இந்தியன்ஸ் முதலில் பேட் செய்கிறது.

இதையும் படிக்க: அதிரடியாக விளையாடுவதை ஆதரிப்பதாக நான் ஒருபோதும் கூறவில்லை: டேனியல் வெட்டோரி

மும்பை இந்தியன்ஸ் அணியின் பிளேயிங் லெவனில் எந்த ஒரு மாற்றமும் இல்லை. கடந்த போட்டியில் விளையாடிய அதே அணியுடன் களமிறங்குகிறது.

புள்ளிப்பட்டியலில் 14 புள்ளிகளுடன் மூன்றாவது இடத்தில் உள்ள மும்பை இந்தியன்ஸ், இன்றையப் போட்டியில் வெற்றி பெறும் பட்சத்தில் முதலிடத்துக்கு முன்னேறும் என்பது குறிப்பிடத்தக்கது.