விம்பிள்டன் போட்டி நேரம் மாற்றப்படுமா?

உலகக் கோப்பை போட்டி இறுதிச் சுற்றில் இங்கிலாந்து அணி ஆடும் பட்சத்தில் விம்பிள்டன் டென்னிஸ் ஆடவர் இறுதி ஆட்ட நேரம் மாற்றப்படுமா என கேள்வி எழுந்துள்ளது. வரும் 15-ஆம் தேதி உலகக் கோப்பை இறுதி ஆட்டம் நடக்கிறது. அதே போல் விம்பிள்டன் ஆடவர் ஒற்றையர் இறுதி ஆட்டமும் நடக்கிறது. கால்பந்து இறுதிச் சுற்றில் இங்கிலாந்து விளையாடும் பட்சத்தில் டென்னிஸ் போட்டி நேரத்தை மாற்றவேண்டும் என கோரிக்கைகள் எழுந்துள்ளன. ஆனால் டென்னிஸ் இறுதி ஆட்டம் வழக்கமான நேரத்திலேயே நடைபெறும். மாற்றப்படாது. தற்போது தொழில்நுட்ப உதவியால் ரசிகர்கள் கால்பந்து போட்டியின் முடிவுகளையும் அறிந்து கொள்ள முடியும் என ஆல் இங்கிலாந்து கோப்பை தலைமை செயல் அலுவலர் ரிச்சர்ட் லீவிஸ் தெரிவித்துள்ளார்.