2-வது டி20 ஆட்டத்தில் வங்கதேச அணியை 6 விக்கெட் வித்தியாசத்தில் வீழ்த்தி டி20 தொடரை வென்றுள்ளது ஆப்கானிஸ்தான் அணி.

டெஹ்ராடூன் நகரில் நடைபெற்ற இரண்டாவது டி20 ஆட்டத்தில் டாஸ் வென்ற வங்கதேச அணி பேட்டிங்கைத் தேர்வு செய்தது. 

வங்கதேச அணி 20 ஓவர்களில் 8 விக்கெட் இழப்புக்கு 134 ரன்கள் எடுத்தது. ரஷித் கான் இந்தமுறையும் சிறப்பாகப் பந்துவீசி 4 ஓவர்களில் 12 ரன்கள் மட்டும் கொடுத்து 4 விக்கெட்டுகளை வீழ்த்தினார். வங்கதேச அணியில் தமிம் இக்பால் அதிகபட்சமாக 43 ரன்கள் எடுத்தார். 

இந்த இலக்கை 4 விக்கெட் இழப்புக்கு 18.5 ஓவர்களில் எட்டிய டி20 தொடரை வென்றது ஆப்கானிஸ்தான் அணி. ஷென்வாரி 49 ரன்கள் எடுத்தார். கடைசிக்கட்டத்தில் முகமது நபி அதிரடியாக விளையாடி 15 பந்துகளில் 2 சிக்ஸர், 3 பவுண்டரிகளுடன் 31 ரன்கள் எடுத்தார். 

3 ஆட்டங்கள் கொண்ட டி20 தொடரை வென்று 2-0 என முன்னிலை பெற்றுள்ளது ஆப்கானிஸ்தான் அணி.