பிஃபா மகளிர் உலகக் கோப்பை கால்பந்து போட்டியின் ரவுண்ட் 16 சுற்றில் இங்கிலாந்து, பிரான்ஸ் அணிகள் வெற்றி பெற்றன.
வலேன்சியன்ஸ் நகரில் ஞாயிற்றுக்கிழமை இரவு நடைபெற்ற ஆட்டம் ஒன்றில் வலுவான இங்கிலாந்து அணி 3-0 என்ற கோல் கணக்கில் கேமரூன் அணியை வீழ்த்தியது. ஹெளட்டன், வொயிட், கிரீன்வுட்  ஆகியோர் கோலடித்தனர். வரும் வியாழக்கிழமை காலிறுதியில் நார்வேயுடன் மோதுகிறது இங்கிலாந்து. லீ ஹார்வேயில் நடைபெற்ற மற்றொரு ஆட்டத்தில் பிரான்ஸ் அணி 2-1 என்ற கோல் கணக்கில் பிரேசிலை வென்றது. கெளவின், ஹென்றி ஆகியோர் பிரான்ஸ் அணி தரப்பிலும், தைஸா பிரேசில் தரப்பிலும் கோலடித்தனர். கூடுதல் நேரத்தின் இரண்டாம் பகுதியில் த்ரில் வெற்றி பெற்ற பிரான்ஸ் காலிறுதிக்கு தகுதி பெற்றது.