சர்வதேச கிரிக்கெட்டிலிருந்து ஆஸி. வீரர் ஒயிட் ஓய்வு!

சர்வதேச கிரிக்கெட்டிலிருந்து ஓய்வு பெறுவதாக ஆஸி. வீரர் கேம்ரூன் ஒயிட் அறிவித்துள்ளார். 

ஆஸ்திரேலிய அணிக்காக 4 டெஸ்டுகள், 91 ஒருநாள், 47 டி20 ஆட்டங்களில் ஒயிட் விளையாடியுள்ளார். ஒருநாள் ஆட்டங்களில் 2 சதங்களும் 11 அரை சதங்களும் எடுத்துள்ளார். ஆஸ்திரேலிய அணிக்காகக் கடைசியாக 2018-ல் விளையாடினார். 2002-ல் ஆஸ்திரேலிய அணி யு-19 உலகக் கோப்பையை வென்றபோது அந்த அணியின் கேப்டனாக இருந்தார். மேலும் அப்போட்டியில் அதிக ரன்களும் எடுத்து கவனம் ஈர்த்தார். 

இந்நிலையில் 37 வயதான ஒயிட், சர்வதேச கிரிக்கெட்டிலிருந்து ஓய்வு பெறுவதாக அறிவித்துள்ளார். எனினும் மெல்போர்ன் கிரிக்கெட் கிளப் சார்பாக பிரீமியர் கிரிக்கெட்டில் தொடர்ந்து விளையாடவுள்ளார். மேலும் பயிற்சியாளராகப் பணியாற்றவும் விருப்பம் தெரிவித்துள்ளார்.