தென் ஆப்பிரிக்க கிரிக்கெட் அணியின் ஒருநாள், டி20 கேப்டனாக உள்ள டி காக், டெஸ்ட் அணியின் கேப்டனாகவும் நியமிக்கப்பட்டுள்ளார்.
2020-21 பருவத்துக்கான கிரிக்கெட் தொடர்களுக்கு டி காக் கேப்டனாக இருப்பார் என தென் ஆப்பிரிக்க கிரிக்கெட் வாரியம் அறிவித்துள்ளது. இந்தப் பருவத்தில் ஏழு டெஸ்டுகளை தென் ஆப்பிரிக்க அணி விளையாடவுள்ளது. பாகிஸ்தானுக்கு எதிராக மூன்று டெஸ்டுகளும் இலங்கை, பாகிஸ்தானுக்கு எதிராகத் தலா 2 டெஸ்டுகளும் விளையாடவுள்ளது. மேலும் இலங்கைக்கு எதிராக டெஸ்ட் தொடரில் விளையாடவுள்ள டி காக் தலைமையிலான டெஸ்ட் அணியும் அறிவிக்கப்பட்டுள்ளது.
வரும் ஜனவரி - பிப்ரவரி மாதங்களில் பாகிஸ்தானில் 2 டெஸ்டுகள், 3 டி20 ஆட்டங்களில் விளையாட தென் ஆப்பிரிக்க கிரிக்கெட் வாரியம் ஒப்புக்கொண்டுள்ளது. இந்தத் தொடர்கள் ஜனவரி 26-ல் தொடங்கி, பிப்ரவரி 14-ல் முடிவடையவுள்ளது.