அனைத்து வகையான சர்வதேச கிரிக்கெட் ஆட்டங்களிலிருந்து ஓய்வு பெறுவதாக இந்திய கிரிக்கெட் வீரர் இர்ஃபான் பதான் அறிவித்துள்ளார்.

35 வயது பதான், ஜம்மு - காஷ்மிர் கிரிக்கெட் அணியின் ஆலோசகர் பொறுப்பில் தற்போது உள்ளார். இந்திய அணிக்காக 29 டெஸ்டுகள், 120 ஒருநாள், 24 டி20 ஆட்டங்களில் விளையாடியுள்ளார். டெஸ்டுகளில் 100, ஒருநாள் கிரிக்கெட்டில் 173, டி20யில் 28 விக்கெட்டுகளை எடுத்துள்ளார். சர்வதேச கிரிக்கெட்டில் கடைசியாக, 2012-ல் விளையாடினார். 

2006-ல் கராச்சி டெஸ்டில் ஹாட்ரிக் விக்கெட்டுகளை எடுத்து அசத்தினார். 2007 டி20 உலகக் கோப்பையை வென்ற இந்திய அணியில் பதானும் இடம்பெற்றிருந்தார்.