இந்தியாவுடனான 3-வது டெஸ்ட் ஆட்டத்துக்கான இங்கிலாந்து அணியில் டேவிட் மலான் சேர்க்கப்பட்டுள்ளார்.

இங்கிலாந்து, இந்தியா அணிகளுக்கிடையிலான 3-வது டெஸ்ட் ஆட்டம் ஹெட்டிங்லேவில் ஆகஸ்ட் 25-ம் தேதி தொடங்குகிறது. இதற்கான 15 பேர் கொண்ட அணியை இங்கிலாந்து பயிற்சியாளர் சில்வர்வுட் புதன்கிழமை வெளியிட்டார். இதில் டேவிட் மலான் பெயர் இடம்பெற்றுள்ளது.

இதையும் படிக்க | 3-வது டெஸ்டில் இங்கிலாந்து வேகப்பந்து வீச்சாளர் விளையாடுவது சந்தேகம்

கடந்த 3 ஆண்டுகளில் முதன்முறையாக அவர் இங்கிலாந்து அணியில் இடம்பிடித்துள்ளார். கடைசியாக 2018-இல் எட்ஜ்பாஸ்டனில் இந்தியாவுக்கு எதிரான டெஸ்ட் ஆட்டத்தில் விளையாடினார். வேகப்பந்துவீச்சாளர் சகிப் மஹ்மூத்தும் அணியில் சேர்க்கப்பட்டுள்ளார். ஸாக் கிராலே மற்றும் டோம் சிப்லி அணியிலிருந்து நீக்கப்பட்டுள்ளனர்.

இங்கிலாந்து அணி:

ஜோ ரூட் (கேப்டன்), மொயீன் அலி, ஜேம்ஸ் ஆண்டர்சன், ஜோனாதன் பேர்ஸ்டோவ், ரோரி பர்ன்ஸ், ஜாஸ் பட்லர், சாம் கரன், ஹசீப் ஹமீத், டான் லாரன்ஸ், சகிப் மஹ்மூத், டேவிட் மலான், கிரெய்க் ஓவர்டன், ஆலி போப், ஆலி ராபின்சன், மார்க் வுட்.