நியூசிலாந்தில் அடுத்த வருடம் மகளிர் 50 ஓவர் உலகக் கோப்பைப் போட்டி நடைபெறுகிறது.
மார்ச் 4 முதல் தொடங்கும் மகளிர் உலகக் கோப்பைக்கான அட்டவணையை ஐசிசி வெளியிட்டுள்ளது.
31 நாள்களுக்கு ஆறு நகரங்களில் 31 ஆட்டங்கள் நடைபெற்றவுள்ளன. நியூசிலாந்து, ஆஸ்திரேலியா, இங்கிலாந்து, தென்னாப்பிரிக்கா, இந்தியா, வங்கதேசம், பாகிஸ்தான், மேற்கிந்தியத் தீவுகள் என 8 அணிகள் இப்போட்டியில் பங்கேற்கின்றன. 8 அணிகளும் இதர அணிகளுடன் ஒரு முறை மோதும் விதத்தில் லீக் ஆட்டங்கள் வடிவமைக்கப்பட்டுள்ளன. புள்ளிகள் பட்டியலில் முதல் நான்கு இடங்களைப் பிடிக்கும் அணிகள் அரையிறுதிக்குத் தகுதி பெறும். ஏப்ரல் 3 அன்று இறுதிச்சுற்று ஆட்டம் நடைபெறவுள்ளது.
இந்திய அணியின் உலகக் கோப்பை ஆட்டங்கள்
vs பாகிஸ்தான், மார்ச் 6
vs நியூசிலாந்து, மார்ச் 10
vs மே.இ. தீவுகள், மார்ச் 12
vs இங்கிலாந்து, மார்ச் 16
vs ஆஸ்திரேலியா, மார்ச் 19
vs வங்கதேசம், மார்ச் 22
vs தென்னாப்பிரிக்கா, மார்ச் 27