பிரபல முன்னாள் கிரிக்கெட் வீரர் ஆண்ட்ரூ ஃபிளிண்டாஃப் கார் விபத்தில் காயமடைந்ததால் மருத்துவமனையில் அனுமதிக்கப்பட்டுள்ளார்.

இங்கிலாந்தின் மிகச்சிறந்த ஆல்ரவுண்டர்களில் ஒருவரான ஃபிளிண்டாஃப், 1998 முதல் 79 டெஸ்டுகள், 141 ஒருநாள், 7  டி20 ஆட்டங்களில் விளையாடியுள்ளார். 

இந்நிலையில் சர்ரே பகுதியில் பிபிசி ஊடகத்துக்காகப்  படப்பிடிப்பில் கலந்துகொண்டபோது கார் விபத்தில் சிக்கினார் ஃபிளிண்டாஃப். பிறகு ஹெலிகாப்டரின் உதவியுடன் படப்பிடிப்புக் குழுவினர் ஃபிளிண்டாஃப்பை உடனடியாக மருத்துவனைக்கு அழைத்துச் சென்றார்கள். அங்கு அவருக்கு சிகிச்சை அளிக்கப்பட்டு வருகிறது. இந்த விபத்தால் பிளிண்டாஃப்பின் உயிருக்கு ஆபத்தில்லை என மருத்துவமனை வட்டாரங்கள் தகவல் தெரிவித்துள்ளன.