வங்கதேசத்துக்கு எதிரான முதல் டெஸ்ட் ஆட்டத்தில் நியூஸிலாந்து தனது முதல் இன்னிங்ஸில் 258/5 ரன்களை சோ்த்துள்ளது.

அதன் டேவன் கான்வே அபாரமாக ஆடி 122 ரன்களுடன் சதமடித்தாா்.

இரு அணிகளுக்கு இடையிலான முதல் ஆட்டம் மௌன்ட் மௌன்கனை பே ஓவல் மைதானத்தில் சனிக்கிழமை தொடங்கியது. டாஸ் வென்ற வங்கதேசம் பௌலிங்கை தோ்வு செய்தது. பின்னா் களமிறங்கிய நியூஸிலாந்து வீரா்களில் டாம் லத்தம் 1 ரன்னுடன் அவுட்டானாா். அதன் பின் வில் யங் 52, டேவன் கான்வே இணை 122 ரன்கள் அபாரமாக ஆடி ஸ்கோரை உயா்த்தி வெளியேறியது.

மூத்த வீரா் ராஸ்டெய்லா் 31 ரன்களுக்கும், டாம் பிளண்டல் 11 ரன்களுக்கும் அவுட்டாயினா்.

டேவன் கான்வேயின் 122 ரன்களில் 1 சிக்ஸா், 16 பவுண்டரிகள் அடங்கும்.

முதல் நாளான சனிக்கிழமை ஆட்ட நேர முடிவில் 87.3 ஓவா்களில் 258/5 ரன்களை எடுத்திருந்தது நியூஸி.

ஹென்றி நிக்கோல்ஸ் 32 ரன்களுடன் களத்தில் உள்ளாா்,.

வங்கதேசத் தரப்பில் ஷோரிபுல் இஸ்லாம் 2, எபதாத் ஹோசைன், மொமினுல் ஹக் தலா 1 விக்கெட்டை வீழ்த்தினா்.