ஐசிசி வெளியிட்டுள்ள வருடாந்திர டெஸ்ட் தரவரிசைப் பட்டியலில் ஆஸ்திரேலிய அணி முதலிடத்தைப் பிடித்துள்ளது.

2-வது இடத்தில் உள்ள இந்தியாவை விடவும் ஆஸி. அணி 9 புள்ளிகள் கூடுதலாகப் பெற்று முதலிடத்தில் உள்ளது. பேட் கம்மின்ஸ் தலைமையிலான ஆஸ்திரேலிய அணி சமீபத்தில் பாகிஸ்தானை 1-0 என வீழ்த்தி டெஸ்ட் தொடரை வென்றது. இதனால் டெஸ்ட் தரவரிசையிலும் உலக டெஸ்ட் சாம்பியன்ஷிப் போட்டியின் புள்ளிகள் பட்டியலிலும் முதலிடத்தில் உள்ளது. 

தரவரிசையில் 3-வது இடத்தில் நியூசிலாந்தும் 4-வது இடத்தில் தென்னாப்பிரிக்காவும் 5-வது இடத்தில் பாகிஸ்தானும் உள்ளன. இங்கிலாந்து, இலங்கை, மேற்கிந்தியத் தீவுகள், வங்கதேசம், ஜிம்பாப்வே ஆகிய அணிகள் கடைசி 5 இடங்களில் உள்ளன. 

மே 2019 முதல் நடைபெற்ற டெஸ்ட் தொடர்களின் அடிப்படையில் தரவரிசை நிர்ணயிக்கப்பட்டுள்ளது.