விஜய் ஹசாரே காலிறுதியில் தமிழகத்தை செளராஷ்டிர அணி 44 ரன்கள் வித்தியாசத்தில் தோற்கடித்துள்ளது.

இன்றைய ஆட்டத்தில் டாஸ் வென்ற தமிழக அணி ஃபீல்டிங்கைத் தேர்வு செய்தது. 28-வது ஓவரில் 131 ரன்களுக்கு 4 விக்கெட்டுகளை இழந்தது செளராஷ்டிரம். ஹர்விக் தேசாய் 61, அர்பித் 51, சிராஜ் ஆட்டமிழக்காமல் 31 பந்துகளில் 4 சிக்ஸர்கள், 2 பவுண்டரிகளுடன் 52 ரன்கள் எடுத்து செளராஷ்டிர அணிக்கு நல்ல ஸ்கோரைப் பெற்றுத் தந்தார்கள். செளராஷ்டிர அணி 50 ஓவர்களில் 8 விக்கெட் இழப்புக்கு 293 ரன்கள் எடுத்துள்ளது. தமிழக அணியில் எம். முகமது, சாய் கிஷோர் தலா 2 விக்கெட்டுகளை வீழ்த்தினார்கள். 

தமிழக அணி 48 ஓவர்களில் 249 ரன்களுக்கு அனைத்து விக்கெட்டுகளையும் இழந்து தோல்வியடைந்தது. ஜெகதீசன் 8 ரன்களுக்கு ஆட்டமிழந்தார். கேப்டன் பாபா இந்திரஜித் 53, சாய் கிஷோர் 74 ரன்கள் எடுத்தார்கள். சிராக் 3 விக்கெட்டுகளை வீழ்த்தினார்.