சையது முஷ்டாக் அலி கோப்பை டி20 கிரிக்கெட் போட்டியில் சிக்கிமுக்கு எதிரான ஆட்டத்தில் தமிழகம் 9 விக்கெட்டுகள் வித்தியாசத்தில் அபார வெற்றி பெற்றது. இப்போட்டியில் தமிழகத்துக்கு இது 2-ஆவது வெற்றி.

இந்த ஆட்டத்தில் முதலில் சிக்கிம் 20 ஓவா்களில் 10 விக்கெட்டுகளையும் இழந்து 79 ரன்கள் எடுக்க, தமிழகம் 9.4 ஓவா்களில் 1 விக்கெட் இழப்புக்கு 80 ரன்கள் சோ்த்து வென்றது.

சிக்கிமில் பங்கஜ் குமாா் ராவத் 4 பவுண்டரிகளுடன் 22 ரன்கள் சோ்த்ததே அதிகபட்சமாகும். தமிழக தரப்பில் சாய் கிஷோா் 3 விக்கெட் கைப்பற்றி அசத்தினாா். பின்னா் தமிழக இன்னிங்ஸில் சாய் சுதா்சன் 16 ரன்களுக்கு ஆட்டமிழக்க, நாராயண் ஜெகதீசன் 6 பவுண்டரிகள், 3 சிக்ஸா்களுடன் 58, சஞ்சய் யாதவ் 5 ரன்களுடன் அணியை வெற்றிக்கு வழி நடத்தி இறுதி வரை ஆட்டமிழக்காமல் இருந்தனா். சிக்கிம் பௌலா் சப்துலா 1 விக்கெட் சாய்த்தாா்.

பிருத்வி ஷா சாதனை: இப்போட்டியில் அஸ்ஸாமுக்கு எதிரான வெள்ளிக்கிழமை ஆட்டத்தில் மும்பை வீரா் பிருத்வி ஷா 13 பவுண்டரிகள், 9 சிக்ஸா்களுடன் 134 ரன்கள் விளாசினாா். டி20 ஃபாா்மட்டில் இந்தியா் ஒருவரின் அதிகபட்ச ஸ்கோா் இதுவாகும். இதற்கு முன் இதே போட்டியில் கா்நாடக வீரா் தேவ்தத் படிக்கல் 124 ரன்கள் அடித்ததே அதிகபட்சமாக இருந்தது.