யு.எஸ். ஓபன் போட்டியில் இறுதிச்சுற்றுக்குப் பிரபல வீராங்கனைகளான ஸ்வியாடெக், ஆன்ஸ் ஜபேர் ஆகியோர் தகுதியடைந்துள்ளார்கள்.    

யு.எஸ். ஓபன் மகளிர் ஒற்றையர் பிரிவு அரையிறுதியில் ஸ்வியாடெக் - அரினா சபலேன்கா, ஆன்ஸ் ஜபேர் -  கரோலினா கார்சியா இடையிலான மோதல் நடைபெற்றது.

பிரெஞ்சு ஓபன் போட்டியை இருமுறை வென்ற ஸ்வியாடெக் 3-6, 6-1, 6-4  என்ற செட் கணக்கில் சபலேன்காவை வீழ்த்தினார். முதல்முறையாக யு.எஸ். ஓபன் இறுதிச்சுற்றுக்கு முன்னேறியுள்ளார்.

ஆன்ஸ் ஜபேர்,  6-1, 6-3 என்ற நேர் செட்களில் கரோலினா கார்சியாவை வீழ்த்தினார். இதன்மூலம் கிராண்ட் ஸ்லாம் போட்டியின் இறுதிச்சுற்றுக்கு இருமுறை தகுதியடைந்த முதல் ஆப்பிரிக்க வீராங்கனை என்கிற பெருமையை அவர் அடைந்துள்ளார். கடந்த ஜூலையில் விம்பிள்டன் இறுதிச்சுற்றுக்கு முன்னேறினார்.