உலகக் கோப்பை: இத்தாலி, பிரேசில் வரிசையில் பிரான்ஸுக்கு இடம் கிடைக்குமா?

2022 கால்பந்து உலகக் கோப்பைப் போட்டி கத்தாரில் நவம்பர் 20 முதல் டிசம்பர் 18 வரை நடைபெறுகிறது. தோஹாவைச் சுற்றியுள்ள 8 மைதானங்கள் இப்போட்டிக்காகப் பயன்படுத்தப்படுகின்றன.

4 ஆண்டுகளுக்கு ஒருமுறை உலகக் கோப்பை கால்பந்து போட்டிகள் ஃபிஃபா சர்வதேசக் கால்பந்து கூட்டமைப்பால் நடத்தப்படுகிறது. ஃபிஃபா 21-வது உலகக் கோப்பை கால்பந்து போட்டி 2018-ல் ரஷியாவில் முதல்முறையாக நடைபெற்றது. தரவரிசையில் 7-வது இடத்தில் இருந்த பிரான்ஸ் அணி உலகக் கோப்பையை வென்றது. குரோஷியாவை 4-2 என்ற கோல் கணக்கில் வென்றது. 2026-ம் ஆண்டு உலகக் கோப்பை கால்பந்து போட்டியை நடத்துவதற்கான வாய்ப்பை அமெரிக்கா, மெக்ஸிகோ, கனடா நாடுகள் பெற்றுள்ளன. இப்போட்டியில் 48 நாடுகள் பங்கேற்கின்றன.

கால்பந்து உலகக் கோப்பையை இரு நாடுகள் மட்டுமே அடுத்தடுத்து வென்றுள்ளன. 1934, 1938-ல் இத்தாலியும் 1958, 1962-ல் பிரேசிலும் தொடர்ச்சியாக வென்றுள்ளன. கடந்தமுறை உலகக் கோப்பையை வென்ற பிரான்ஸ் அணி - இத்தாலி, பிரேசில் வரிசையில் நிற்குமா என ரசிகர்கள் ஆவலுடன் காத்திருக்கிறார்கள். 

உலகக் கோப்பைப் போட்டியில் 16-வது முறையாகப் பங்கேற்றுள்ள பிரான்ஸ் அணி 1998, 2018-ல் உலகக் கோப்பைகளை வென்றுள்ளது. பிரான்ஸ் உள்ள குரூப் டி பிரிவில் டென்மார்க், ஆஸ்திரேலியா, துனிசியா ஆகிய நாடுகள் உள்ளன. பிரான்ஸ் அணி நவம்பர் 23 அன்று தனது முதல் ஆட்டத்தில் ஆஸ்திரேலியாவை எதிர்கொள்கிறது.