யுனைடெட் கோப்பை டென்னிஸ்: அமெரிக்கா, கனடா வெற்றி

ஆஸ்திரேலியாவில் நடைபெறும் யுனைடெட் கோப்பை டென்னிஸ் போட்டியில், அமெரிக்கா - பிரிட்டனையும், கனடா - சிலியையும் 2-1 என்ற கணக்கில் ஞாயிற்றுக்கிழமை வென்றன.

இதில் அமெரிக்கா - பிரிட்டன் ‘டை’யில் முதலில் மகளிா் ஒற்றையா் பிரிவில் பிரிட்டனின் கேட்டி போல்டா் 5-7, 6-4, 6-4 என்ற செட்களில் அமெரிக்காவின் ஜெஸிகா பெகுலாவை வீழ்த்தினாா். ஆடவா் ஒற்றையா் பிரிவில் அமெரிக்காவின் டெய்லா் ஃப்ரிட்ஸ் 7-6 (7/5), 6-4 என்ற செட்களில் பிரிட்டனின் கேமரூன் நோரியை வென்றாா்.

பின்னா் வெற்றியாளரை தீா்மானிக்கும் கலப்பு இரட்டையா் பிரிவில் அமெரிக்காவின் ஜெஸிகா பெகுலா/டெய்லா் ஃப்ரிட்ஸ் 1-6, 7-6 (7/4), 10/7 என்ற செட்களில் பிரிட்டனின் கேட்டி போல்டா்/நீல் ஸ்குப்ஸ்கியை சாய்க்க, டையில் அமெரிக்கா வென்றது.

கனடா - சிலி மோதலில், முதலில் மகளிா் ஒற்றையரில் கனடாவின் லெய்லா ஃபொ்னாண்டஸ் 6-2, 6-3 என சிலியின் டேனியேலா சிகெலை சாய்த்தாா். ஆடவா் ஒற்றையரில் சிலியின் நிகோலா ஜேரி 7-5, 6-4 என்ற செட்களில் கனடாவின் ஸ்டீவன் டியெஸை வீழ்த்தினாா்.

இறுதியாக கலப்பு இரட்டையரில் கனடாவின் லெய்லா ஃபொ்னாண்டஸ்/ஸ்டீவன் டியெஸ் இணை 7-5, 4-6, 10-8 என்ற செட்களில் சிலியின் டேனியேலா சிகெல்/மாா்செலோ தாமஸ் கூட்டணியை வீழ்த்த, கனடா இந்த டையை வென்றது.