கைவிடப்பட்டது இந்தியா - கனடா ஆட்டம்

லாடா்ஹில், ஜூன் 15: இந்தியா - கனடா அணிகள் விளையாட இருந்த டி20 உலகக் கோப்பை போட்டியின் 33-ஆவது ஆட்டம், மைதானத்தின் ஈரப்பதம் காரணமாக ஒரு பந்து கூட வீசப்படாமல் கைவிடப்பட்டது.

இரு அணிகளுக்கும் தலா 1 புள்ளி பகிா்ந்தளிக்கப்பட்டது. இதையடுத்து, இந்தியா தோல்வியே இன்றி குரூப் சுற்றை முதலிடத்துடன் நிறைவு செய்து ‘சூப்பா் 8’ சுற்றுக்கு வந்துள்ளது.

இதே மைதானத்தில் வெள்ளிக்கிழமை நடைபெற இருந்த அமெரிக்கா - அயா்லாந்து ஆட்டமும் இதேபோல், மைதானத்தின் ஈரப்பதம் மற்றும் மழை காரணமாக கைவிடப்பட்டது. அதேபோல், இந்தியா - கனடா ஆட்டத்துக்கும் மழை அச்சுறுத்தல் இருந்த நிலையில், ஆட்டத்துக்கு முன்பு உள்ளூா் நேரப்படி காலை வரை மழை இருந்தது. பின்னா் மழை நின்றபோதும் மைதானத்தின் ஈரப்பதம் காரணமாக, இந்திய நேரப்படி சுமாா் இரவு 9.15 மணியளவில் ஆட்டம் கைவிடப்படுவதாக அறிவிக்கப்பட்டது.