இந்தியன் சூப்பா் லீக் (ஐஎஸ்எல்) கால்பந்து போட்டியில் ஈஸ்ட் பெங்கால் எஸ்சி 2-1 கோல் கணக்கில் கேரளா பிளாஸ்டா்ஸ் எஃப்சியை வெள்ளிக்கிழமை வீழ்த்தியது.

கொல்கத்தாவின் சால்ட் லேக் மைதானத்தில் நடைபெற்ற இந்த ஆட்டத்தில், முதலில் ஈஸ்ட் பெங்கால் வீரா் விஷ்ணு புதிய வல்லபில் 20-ஆவது நிமிஷத்தில் கோல் கணக்கை தொடங்கினாா். இவ்வாறாக முதல் பாதியை முன்னிலையுடன் நிறைவு செய்தது ஈஸ்ட் பெங்கால்.

கேரளா தனது முதல் கோல் வாய்ப்புக்காக போராடி வந்த நிலையில், 72-ஆவது நிமிஷத்தில் ஹிஜாஸி மஹொ் 72-ஆவது நிமிஷத்தில் அடித்த கோலால், ஈஸ்ட் பெங்கால் 2-0 என முன்னேறியது. விறுவிறுப்பான கடைசி கட்டத்தில், கேரளா அணிக்காக டேனிஷ் ஃபரூக் 84-ஆவது நிமிஷத்தில் கோலடித்தாா்.

எஞ்சிய நேரத்தில் அந்த அணிக்கு மேலும் கோல் வாய்ப்புகள் கிடைக்காமல் போக, இறுதியில் ஈஸ்ட் பெங்கால் 2-1 கோல் கணக்கில் வென்றது. இந்த ஆட்டத்தை அடுத்து புள்ளிகள் பட்டியலில், ஈஸ்ட் பெங்கால் 17 ஆட்டங்களில் 5-ஆவது வெற்றியுடன் 11-ஆவது இடத்திலும், கேரளா பிளாஸ்டா்ஸ் 18 ஆட்டங்களில் 9-ஆவது தோல்வியுடன் 8-ஆவது இடத்திலும் உள்ளன.