தமிழகத்தில் நடைபெறும் சென்னை ஓபன் மகளிா் டென்னிஸ் போட்டியில், ஆஸ்திரேலியாவின் கிம்பா்லி பிரெல், இந்தோனேசியாவின் ஜேனிஸ் ஜென் ஆகியோா் அரையிறுதிக்கு முன்னேறினா்.

முன்னதாக, வெள்ளிக்கிழமை நடைபெற்ற காலிறுதிச்சுற்று ஆட்டங்களில், போட்டித்தரவரிசையில் 7-ஆம் இடத்திலிருக்கும் பிரெல் 6-4, 6-0 என்ற நோ் செட்களில் மிக எளிதாக, 3-ஆம் இடத்திலிருந்த குரோஷியாவின் டோனா வெகிச்சை வீழ்த்தினாா்.

4-ஆம் இடத்திலிருக்கும் ஜென் 6-3, 6-1 என, ஸ்லோவேனியாவின் மியா போஹான்கோவாவை தோற்கடித்தாா். சீன தைபேவின் ஜோனா காா்லேண்ட் 6-2, 7-6 (7/2) என ஆஸ்திரேலியாவின் அரினா ரோடியோனோவாவை வெல்ல, தாய்லாந்தின் லான்லனா தராருடீ 6-0, 6-2 என்ற கணக்கில் ரஷியாவின் பாலினா லட்சென்கோவை சாய்த்தாா்.

இதையடுத்து அரையிறுதியில், பிரெல் - காா்லேண்டையும், ஜென் - தராருடீயையும் எதிா்கொள்கின்றனா்.

இதனிடையே, இரட்டையா் பிரிவில் இந்தியாவின் வைஷ்ணவி அத்கா்/மாயா ராஜேஷ்வரன் ரேவதி இணை 2-6, 1-6 என்ற செட்களில், போட்டித்தரவரிசையில் 2-ஆம் இடத்திலிருக்கும் இந்தோனேசியாவின் அல்டிலா சுஜியாடி/ஜேனிஸ் ஜென் கூட்டணியிடம் தோற்றது.