தென் ஆப்பிரிக்காவுக்கு சிக்கல்: டாஸ் வென்ற இங்கிலாந்து பந்துவீச்சு தேர்வு

தென் ஆப்பிரிக்காவுக்கு எதிரான ஆட்டத்தில் டாஸ் வென்ற இங்கிலாந்து முதலில் பந்துவீச்சைத் தேர்வு செய்தது.

டி20 உலகக் கோப்பையின் இன்றைய (சனிக்கிழமை) 2-வது ஆட்டத்தில் தென் ஆப்பிரிக்கா, இங்கிலாந்து அணிகள் விளையாடுகின்றன. டாஸ் வென்ற இங்கிலாந்து கேப்டன் இயான் மார்கன் முதலில் பந்துவீச்சைத் தேர்வு செய்தார். அந்த அணியில் டைமல் மில்ஸ் நீக்கப்பட்டு மார்க் வுட் சேர்க்கப்பட்டுள்ளார்.

இதையும் படிக்க | வார்னர், மார்ஷ் மிரட்டல்: மேற்கிந்தியத் தீவுகளை வீழ்த்தியது ஆஸ்திரேலியா

தென் ஆப்பிரிக்கா அணியில் மாற்றம் எதுவும் செய்யப்படவில்லை.

தென் ஆப்பிரிக்க அணிக்கு நெட் ரன் ரேட் முக்கியம் என்பதால், முதலில் பேட் செய்வது சிக்கலை உண்டாக்கியுள்ளது. ஒருவேளை தென் ஆப்பிரிக்க அணி முதல் பேட்டிங் செய்து 150 ரன்கள் எடுத்தால், இங்கிலாந்தை 88 ரன்கள் அல்லது அதற்கும் குறைவாகக் கட்டுப்படுத்த வேண்டும். இல்லையெனில் வெற்றி பெற்றாலும் ஆஸ்திரேலிய அணி அரையிறுதிக்குத் தகுதி பெறும்.