டி20 உலகக்கோப்பை தொடரில் ஓமன் அணிக்கு எதிரான ஆட்டத்தில் நமீபியா அணி சூப்பர் ஓவரில் வெற்றி பெற்றது.

டி20 உலகக்கோப்பை தொடரின் 3ஆவது லீக் ஆட்டம் கென்சிங்டன் ஓவல் மைதானத்தில் இன்று நடைபெற்றது. அதில் குரூப் பி பிரிவில் இடம்பெற்றுள்ள நமீபியா-ஓமன் அணிகள் பலப்பரீட்சை நடத்தின. இந்த ஆட்டத்தில் டாஸ் வென்ற வென்ற நமீபியா அணி முதலில் பந்துவீசுவதாக அறிவித்தது. தொடர்ந்து களமிறங்கிய ஓமன் அணி, சீரான இடைவெளியில் விக்கெட்களை இழந்தது.

இதனால் அந்த அணி 19.4 ஓவர்களில் அனைத்து விக்கெட்களையும் இழந்து 109 ரன்கள் மட்டுமே எடுத்தது. எளிய இலக்கை விரட்டிய நமீயாவுக்கு ஓமன் அணியின் பந்துவீச்சாளர்களும் சவால் அளித்தனர். நமீபியா அணியால் நிர்ணயிக்கப்பட்ட 20 ஓவர்களில் 6 விக்கெட் இழப்புக்கு 106 ரன்கள் மட்டுமே எடுக்க முடிந்தது. இதனால் இந்த ஆட்டம் சமனில் முடிந்தது.

இதையடுத்து வெற்றி, தோல்வியை தீர்மானிக்கும் சூப்பர் ஓவர் ஆட்டத்தில் கடைபிடிக்கப்பட்டது. அதில் முதலில் பேட்டிங் செய்த நமீபியா அணி 21 ரன்கள் எடுத்தது. பின்னர் 22 ரன்களை துரத்திய ஓமன் அணியால் 10 ரன்கள் மட்டுமே எடுக்க முடிந்தது. இதனால் சூப்பர் ஓவரில் நமீபியா அணி த்ரில் வெற்றி பெற்றது.

டி20 உலகக்கோப்பை தொடரின் 3ஆவது ஆட்டமே சூப்பர் ஓவர் வரை சென்றதால் ரசிகர்கள் உற்சாகம் அடைந்தனர்.