மோசமான சாதனை படைத்த சூர்யகுமார் யாதவ்!

டி20 உலகக் கோப்பையில் சூர்யகுமார் யாதவ் மோசமான சாதனை பட்டியலில் இடம் பிடித்துள்ளார்.

நியூயார்க்கில் நடைபெற்ற உலகக் கோப்பை போட்டியில் குரூப் ஏ பிரிவில் இந்தியா - அமெரிக்கா நேற்று பலப்பரீட்சை நடத்தின. இந்தப் போட்டியில் முதலில் விளையாடிய அமெரிக்க அணி 110 ரன்கள் மட்டுமே எடுத்தது.

தொடர்ந்து களமிறங்கிய இந்திய அணி, 19-வது ஓவரில் இலக்கை சேஸ் செய்து 7 விக்கெட்டுகள் வித்தியாசத்தில் வெற்றி பெற்றது.

இதில் சூர்யகுமார் யாதவ் 49 பந்துகளில் அரைசதம் அடித்து வெற்றிக்கு வித்திட்டார். ஆனால் இந்தப் போட்டியின் மூலம் சூர்யகுமார் யாதவ் மோசமான சாதனை பட்டியலில் இடம் பிடித்துள்ளார். அதாவது, மெதுவாக அரைசதம் அடித்தவர்கள் பட்டியலில் இடம்பிடித்துள்ளார்.

டி20 உலகக் கோப்பையில் மெதுவாக அரைசதம் அடித்தவர்கள் பட்டியல்:

மொகமது ரிஸ்வான் - 52 பந்துகள் (2024)

டேவிட் மில்லர் - 50 பந்துகள் (2024)

டெவான் ஸ்மித் - 49 பந்துகள் (2007)

டேவிட் ஹஸ்ஸி - 49 பந்துகள் (2010)

சூர்யகுமார் யாதவ் - 49 பந்துகள் (2024)