திருவள்ளூர், மே. 20: சென்னை மாநகரின் முக்கிய குடிநீர் ஆதாரமாக விளங்கும் பூண்டி ஏரியின் நீர்பரப்பு ஆகாயத்தாமரை செடிகளால் சுருங்கும் ஆபத்து ஏற்பட்டுள்ளது.

 ÷தமிழகத்தின் மிகப்பெரிய ஏரிகளில் ஒன்றான பூண்டி ஏரி சுதந்திரப் போராட்ட தியாகி சத்தியமூர்த்தியின் பெயரால் அழைக்கப்படுகிறது.

 ÷மொத்தம் 121 சதுர மைல் பரப்புடையது. கடந்த 1944-ல் பூண்டி கிராமத்தில் குசஸ்தலை ஆற்றின் அருகே இந்த ஏரி கட்டப்பட்டது. இதன் மொத்த கொள்ளளவு 3231 மில்லியன் கனஅடியாகும்.

 ÷பூண்டி ஏரியில் இருந்து சோழவரம், புழல் ஏரிகளுக்கு நீர் அனுப்பப்பட்டு சென்னை மாநகரின் குடிநீர்த் தேவை நிறைவு செய்யப்படுகிறது.

 ÷ஏரியின் நீர்மட்டம் குறையாமல் இருக்கும் வகையில் கிருஷ்ணா ஆற்று நீர் கண்டலேறு அணையில் இருந்து தெலுங்கு கங்கை கால்வாய் மூலம் பூண்டிக்குக் கொண்டு வரப்படுகிறது.

 ÷இம்மாத இறுதியில் கிருஷ்ணா நீர் வரும் வாய்ப்புள்ளது.

 ÷பொதுப்பணித் துறையால் பராமரிக்கப்பட்டு வரும் சத்தியமூர்த்தி சாகர் அணையில் மொத்தம் 14 மதகுகள் உள்ளன. இந்த ஏரியின் கரைப்பகுதி 8 கி.மீ. நீளம் உடையதாகும். தற்போது 32 அடி அளவுக்கு நீர் இருப்பு உள்ளது.

 ÷பூண்டி ஏரியின் மதகுப் பகுதிகள் நன்றாக பராமரிக்கப்பட்டு வருகின்றன. முதல்முறையாக அவசரகால மதகுகளை மாற்றி விட்டு புதிய மதகுகள் பொருத்தும் பணியும் தற்போது நடைபெற்று வருகிறது. இதற்கு ரூ.2 கோடி செலவிடப்பட்டுள்ளது.

 ÷அணைப்பகுதி தவிர பூண்டி ஏரியின் பிற பகுதிகளில் ஆகாயத்

 தாமரைச் செடிகள் பரவலாக உள்ளன.

 ÷இதனால் ஏரியின் நீர்ப்பிடிப்பு சுருங்கி வருகிறது. இதனால் ஏரிக்கரை பலம் இழக்கும் அபாயமும் உண்டாகி உள்ளது.

 ÷பொதுப்பணித் துறை அதிகாரிகள் உடனே தலையிட்டு பூண்டி ஏரியில் பரவலாகக் காணப்படும் ஆகாயத்தாமரைச் செடிகளை அகற்ற போர்க்கால நடவடிக்கை எடுக்க வேண்டும். அப்போதுதான் ஏரியின் நீர்ப்பிடிப்புப் பகுதியைத் தொடர்ந்து காப்பாற்ற

 இயலும்.