தமிழ்நாடு மாநில 25-வது ஜூடோ சாம்பியன்ஷிப் போட்டியில் கிருஷ்ணன்கோவில், கலசலிங்கம் பல்கலைக்கழக மாணவ மாணவியர் வெற்றி பெற்று இரண்டாம் இடம் பெற்றனர்.

போட்டிகள் திண்டுக்கல் கிறிஸ்டியன் பொறியியல் கல்லூரியில் நடைபெற்றது. இதில் மாநிலம் முழுவதும் இருந்தும் 600-க்கும் மேற்பட்ட மாணவ மாணவியர் கலந்து கொண்டனர்.

இதில் கலசலிங்கம் பல்கலைக்கழகத்தின் சிவில் மாணவி தேவிஸ்ரீ ஜூனியர் பிரிவில் 78 கிலோ எடை பிரிவில் வெள்ளிப் பதக்கம் வென்றார். இயந்திரவியல் முதலாண்டு மாணவர் நவின்ராஜ் 90 கிலோ எடை பிரிவில் வெண்கலம் வென்றார்.

வாலிபால்: மம்சாபுரத்தில் மின்ணெளியில் நடைபெற்ற மாநில அளவிலான வாலிபால் போட்டியில் 25-க்கும் மேற்பட்ட அணிகள் கலந்து கொண்டன. இதில் கலசலிங்கம் பல்கலைக்கழக அணி 3-ம் இடம் பெற்று வெண்கல கோப்பையையும் ரூ.6 ஆயிரம் ரொக்கப் பரிசையும் வென்றது.

வெற்றி பெற்ற மாணவ மாணவியரையும் இவர்களுக்கு பயிற்சியளித்த உடற்கல்வி இயக்குநர்கள் ஜி.டி.செல்வகணேஷ், விஜயலட்சுமி ஆகியோரையும் பல்கலைக்கழக இயக்குநர் டாக்டர் எஸ்.சசி ஆனந்த், துணை வேந்தர் ச.சரவணசங்கர், பதிவாளர் வெ.வாசுதேவன் ஆகியோர் பாராட்டினர்.