அதிமுக பொருளாளர் பதவியிலிருந்து முதல்வர் ஓ.பன்னீர்செல்வம் நீக்கப்பட்டுள்ளார்.
இதற்கான அறிவிப்பை அதிமுக பொதுச்செயலர் வி.கே.சசிகலா செவ்வாய்க்கிழமை நள்ளிரவு வெளியிட்டார். ஜெயலலிதா நினைவிடத்தில் முதல்வர் ஓ.பன்னீர்செல்வம் அளித்த பேட்டியைத் தொடர்ந்து இந்த அதிரடி நடவடிக்கையை வி.கே.சசிகலா எடுத்துள்ளார்.
புதிய பொருளாளர்: ஓ. பன்னீர்செல்வத்துக்குப் பதிலாக அதிமுகவின் புதிய பொருளாளராக வனத் துறை அமைச்சர் திண்டுக்கல் சி.சீனிவாசன் நியமிக்கப்பட்டுள்ளதாகவும் வி.கே.சசிகலா அறிவித்துள்ளார்.
அவர் கடந்த 2000-ஆம் ஆண்டு முதல் 2004-ஆம் ஆண்டு வரை ஏற்கெனவே அதிமுகவின் பொருளாளர் பதவியை வகித்தவர் என்பது குறிப்பிடத்தக்கது.