அதிமுக துணைப் பொதுச்செயலாளர் டிடிவி தினகரனை அக்கட்சி எம்எல்ஏ குமரகுரு புகழ்ந்து பேசியதால் அவையில் சலசலப்பு ஏற்பட்டது.

3 நாள் விடுமுறைக்குப் பின் தமிழக சட்டப்பேரவையின் கூட்டம் இன்று தொடங்கியது. அவை தொடங்கியதும் மறைந்த முன்னாள் உறுப்பினர்களுக்கு இரங்கல் குறிப்பு வாசிக்கப்பட்டது. முன்னாள் உறுப்பினர்கள் மெய்யப்பன், பாலையா, விஸ்வநாதன், செல்லையாவுக்கு அப்போது இரங்கல் தெரிவிக்கப்பட்டது.

இந்நிலையில் சட்டப்பேரவையில் அதிமுக துணைப் பொதுச்செயலாளர் டிடிவி தினகரனை அக்கட்சி எம்எல்ஏ குமரகுரு புகழ்ந்து பேசினார். இதற்கு திமுக உறுப்பினர்கள் கடும் எதிர்ப்பு தெரிவிக்கவே அவையில் சிறிது நேரம் சலசலப்பு ஏற்பட்டது.