குடியுரிமை திருத்தச் சட்டம் நிறைவேற்றப்பட்டதில் இந்திய அரசியலமைப்புச் சட்டம் மீறப்படவில்லை என்று பாஜக மூத்த தலைவா் இல. கணேசன் தெரிவித்தாா்.

மதுரையில் செவ்வாய்க்கிழமை அவா் செய்தியாளா்களிடம் கூறியது:

உலகம் முழுவதும் உள்ள கிறிஸ்தவ மக்களுக்கு கிறிஸ்துமஸ் நல்வாழ்த்துகளை தெரிவித்துக் கொள்கிறேன். முன்னாள் பிரதமா் வாஜ்பாய் பிறந்த நாள் நாடு முழுதும் ஒரு வாரம் கொண்டாடப்பட உள்ளது. வாஜ்பாய் பிரதமராக பதவி வகித்தபோது எதிா்க்கட்சியினரும் பாராட்டும் அளவுக்கு சிறப்பாக செயல்பட்டாா்.

ஜாா்க்கண்ட் மாநிலத் தோ்தல் முடிவுகளால் பாஜகவின் செல்வாக்கு குறைந்து விடவில்லை. அரசியலில் வெற்றி, தோல்வி என்பது சகஜம். ஜாா்க்கண்ட் சட்டப்பேரவைத் தோ்தலில் பாஜக 35 சதவிகிதம் வாக்குகள் பெற்றுள்ளது குறிப்பிடத்தக்கது. நாட்டில் தற்போது பிரதமா் நரேந்திர மோடிக்கு இணையான தலைவா்கள் யாரும் இல்லை.

குடியுரிமை திருத்தச் சட்டம் பாஜக தோ்தல் அறிக்கையில் ஏற்கெனவே அறிவிக்கப்பட்டிருந்தது. குடியுரிமை திருத்தச் சட்டத்தில் கூறப்பட்டுள்ள உண்மைகளை தெரிந்து கொள்ளாமல் நீதிக்குப் புறம்பாக போராட்டம் நடைபெறுகிறது. குடியுரிமை திருத்தச் சட்டத்தால் யாருக்கும் பாதிப்பில்லை. இலங்கைத் தமிழா்கள் யாரும் இந்தியக் குடியுரிமை வேண்டும் என்று கோரிக்கை விடுக்கவில்லை. குடியுரிமை திருத்தச் சட்டத்துக்கு எதிராக நடைபெறும் போராட்டங்களை மத்திய அரசு கண்காணித்து வருகிறது. எனவே இதற்கு எதிரான போராட்டம் விரைவில் முடிவுக்கு வரும்.

அரசியல் அமைப்புச் சட்டத்துக்கு உட்பட்டு தான் குடியுரிமை திருத்தச் சட்டம் கொண்டு வரப்பட்டது. இந்த விஷயத்தில் அரசியலமைப்புச் சட்டத்தை மத்திய அரசு மீறவில்லை. குடியுரிமைத் திருத்தச் சட்டத்தை விளக்கி பாஜக சாா்பில் மக்களிடம் விழிப்புணா்வு பிரசாரம் நடத்தப்பட்டு வருகிறது.

2021ஆம் ஆண்டு தமிழக சட்டப்பேரவைத் தோ்தலில் திமுக இப்போது உள்ள தொகுதிகளை விட குறைவான இடங்களையே பெறும் என்றாா் அவா்.

பாஜக மாநிலச் செயலா் ஸ்ரீநிவாசன், மதுரை புகா் மாவட்டத் தலைவா் மகா சுசீந்திரன் மற்றும் நிா்வாகிகள் உடனிருந்தனா்.