சென்னையில் கரோனா பாதித்தோரின் எண்ணிக்கை 1000ஐ தாண்டியுள்ளது. 

தமிழகத்தில் புதிதாக இன்று 203 பேருக்கு கரோனா தொற்று உறுதி செய்யப்பட்டுள்ளது. இதில் அதிகபட்சமாக சென்னையில் இன்று ஒரேநாளில் 176 பேருக்கு தொற்று உறுதி செய்யப்பட்டுள்ளது.

இதனால் சென்னையில் பாதிப்பு 1,082 ஆனது. சென்னையில் இன்று மட்டும் 3,200 பரிசோதனைகள் மேற்கொள்ளப்பட்டுள்ளன. இன்று குணமடைந்தோர் எண்ணிக்கை 54.  மொத்தமாக குணமடைந்தோர் எண்ணிக்கை 1,312.

இன்று ஒருவர் உயிரிழந்துள்ளார். இதனால் பலி எண்ணிக்கை 28 ஆக உயர்ந்துள்ளது. சென்னையில் தனிமைப்படுத்தப்பட்ட 7 பகுதிகளில் கடந்த 28 நாட்களாக புதிதாக பாதிப்பு இல்லை என்று மக்கள் நல்வாழ்வுத்துறை அமைச்சர் சி. விஜயபாஸ்கர் தெரிவித்துள்ளார். 

இந்த நிலையில் தமிகத்தில் கரோனா பாதித்தோரின் விவரம் மாவட்டவாரியாக வெளியிடப்பட்டுள்ளது.