இலங்கை கடற்படையினரால் பறிமுதல் செய்யப்பட்ட தமிழகத்தை சேர்ந்த மீனவர்களின் 94 விசைப்படகுகளை அழிக்க இலங்கை நீதிமன்றம் உத்தரவிட்டுள்ளது. 

எல்லை தாண்டிய புகாரில் 2015 - 2018 வரை 121 தமிழக விசைப்படகுகளை இலங்கை படையினர் சிறைப்பிடித்தனர். 

சிறைப்பிடிக்கப்பட்ட தமிழக படகுகள் பல ஆண்டுகளாக கடற்கரையில் ஒரே இடத்தில் நிறுத்தப்பட்டுள்ளதால் கடற்கரை மாசடைவதாகவும் இலங்கை மீனவர்களின் தொழில் பாதிக்கப்பட்டுவதாகவும் புகார் எழுந்ததது.

இந்நிலையில், 2015 - 2018 வரை 3 ஆண்டுகளில் இலங்கை கடற்படையினர் பறிமுதல் செய்த 121 படகுகளில் 94 விசைப்படகுகளை அழிக்க இலங்கை நீதிமன்றம் உத்தரவிட்டுள்ளது. 

நீதிமன்றத்தால் அழிக்க உத்தரவிடப்பட்டுள்ள 94  தமிழக படகுகளில் 88 படகுகள் ராமநாதபுரம் மீனவர்களுடையது.