இந்திய அஞ்சல் துறையின் ஆதார் பதிவு மற்றும் திருத்தம் செய்வதற்கான சிறப்பு முகாம் 13-2-2021 (சனிக்கிழமை) காலை 10:00 மணி முதல் மாலை 04:00 மணி வரை ஏற்பாடு செய்யப்பட்டுள்ளது.

புதியதாக ஆதார் பதிவு, முகவரி, புகைப்படம், பெயர், பாலினம், பிறந்த தேதி, கைபேசி எண், மின்னஞ்சல் திருத்தம், 5 மற்றும் 15வது வயதில் பயோமெட்ரிக் புதுப்பித்தல் ஆகிய சேவைகள் கீழ்க்கண்ட தபால் நிலையங்களில் மேற்கொள்ளப்பட உள்ளன.

மயிலாப்பூர், தியாகராய நகர், பார்த்தசாரதி கோவில், சேப்பாக்கம், கோபாலபுரம், மெட்ராஸ் யூனிவர்சிட்டி, மந்தைவெளி, அக்கவுண்டன்ட் ஜெனரல் தபால் நிலையம், ராயப்பேட்டை, தேனாம்பேட்டை, திருவல்லிக்கேணி , சூளைமேடு, கிரீம்ஸ் ரோடு, ஹிந்தி பிரச்சார சபா, நுங்கம்பக்கம் ஹை ரோடு, தியாகராயநகர் வடக்கு. 13-2-21 அன்று மேற்கண்ட தபால் நிலையங்களில் பொதுமக்கள் ஆதார் பதிவு மற்றும் திருத்தங்களுக்கு சேவைகளை தங்களுக்கும் தங்கள் குழந்தைகளுக்கும் பயன்படுத்திக் கொள்ளலாம்.

ஆதார் திருத்தங்களுக்காக ரூ.‌50 சேவைக் கட்டணமாக பெறப்படும். புதியதாக ஆதார் பதிவு செய்யும் சேவைக்கு கட்டணம் இல்லை என்று தெரிவிக்கப்பட்டுள்ளது.