தமிழக சட்டப்பேரவைத் தேர்தலுக்கு ரூ.621 கோடி செலவாகும்: சத்ய பிரதா சாஹு

சென்னை: தமிழக சட்டப்பேரவைத் தேர்தலை நடத்தி முடிக்க ரூ.621 கோடி செலவாகும் என்று தமிழக தலைமைத் தேர்தல் அதிகாரி சத்யபிரதா சாஹு தெரிவித்துள்ளார்.

சென்னையில் இன்று செய்தியாளர்களை சந்தித்த சத்ய பிரதா சாஹு, தமிழக சட்டப்பேரவைத் தேர்தலை நடத்த ரூ.621 கோடி செலவீனம் ஆகும் என்று கணக்கிடப்பட்டுள்ளது.  எனவே, அந்தத் தொகையை மாநில அரசிடம் கேட்டுள்ளோம். கரோனா வைரஸ் காலம் என்பதால், செலவீனம் அதிகரிக்கக் கூடும் என்றும் தெரிவித்தார்.

தமிழக சட்டப்பேரவைத் தேர்தலை நடத்துவதற்குத் தேவையான முன்னேற்பாடுகளை தேர்தல் ஆணையம் மேற்கொண்டு வருகிறது.

தமிழக வாக்காளர் பட்டியலில் பெயர் சேர்ப்பதற்கான விண்ணப்பங்கள் பெறப்பட்டு, பரிசீலனை நடந்து வருகிறது. இறுதி வாக்காளர் பட்டியல் வரும் 20-ஆம் தேதி வெளியிடப்படும் என்று எதிர்பார்க்கப்படுகிறது.