நாகை சட்டப்பேரவைத் தொகுதி அதிமுக வேட்பாளர் தங்க. கதிரவன் தேர்தலில் வெற்றி பெற்றால் வாஷிங் மெஷின் வழங்கப்படும் என துணி துவைத்து வாக்குறுதியளித்து பிரசாரம் மேற்கொண்டார்.

நாகை சட்டப்பேரவைத் தொகுதியில் அதிமுக வேட்பாளராக தங்க. கதிரவன் போட்டியிடுகிறார். இதைத் தொடர்ந்து, அவர் தீவிர பிரசாரம் மேற்கொண்டு வருகிறார். 

இந்த நிலையில் தேர்தலில் வெற்றி பெற்றால் வாஷிங்மெஷின் வழங்கப்படும் என கைகளில் துணி துவைத்தபடி வாக்குறுதி அளித்து நேற்று (திங்கள்கிழமை) பிரசாரம் மேற்கொண்டார். அவரது ஆதரவாளர்கள் இதை வரவேற்கும் விதமாக கைகளைத் தட்டி அவருக்கு ஆதரவான முழக்கத்தை எழுப்பினர்.

அவர் துணி துவைக்கும் விடியோ தற்போது சமூக ஊடகங்களில் பரவி வருகிறது.

பேரவைத் தேர்தலில் வெற்றி பெற்றால் வாஷிங்மெஷின் வழங்கப்படும் என அதிமுக வாக்குறுதி அளித்துள்ளது குறிப்பிடத்தக்கது.