காய்கறி மொத்த சந்தைகள்நாளை முதல் இயங்கலாம்: தமிழக அரசு உத்தரவு

கோயம்பேடு உள்பட தமிழகத்தில் உள்ள மொத்த விற்பனை செய்யும் காய்கறி, பழ அங்காடிகள் திங்கள்கிழமை முதல் (மே 31) செயல்பட அனுமதிக்கப்படுகிறது.

இதற்கான உத்தரவை தமிழக அரசு சனிக்கிழமை வெளியிட்டது. அதன் விவரம்:

தமிழகத்தில் கோயம்பேடு மற்றும் இதர மாவட்டங்களில் உள்ள மொத்த விற்பனை செய்யும் காய்கறி, பழங்கள் மற்றும் பூ சந்தைகள் வரும் திங்கள்கிழமை (மே 31) முதல் செயல்படலாம். மாநிலத்தில் உள்ள அனைத்து நியாய விலைக் கடைகளும் தொடா்ந்து திறந்திருக்கும். காலை 8 மணி முதல் நண்பகல் 12 மணி வரை கடைகள் செயல்படும்.

அத்தியாவசியப் பொருள்களை உற்பத்தி செய்யும் தொழிற்சாலைகள் தொடா்ந்து செயல்பட அனுமதிக்கப்படுகிறது. அதேசமயம், ஒரு மாத காலத்துக்குள் அனைத்துப் பணியாளா்களும் தடுப்பூசி செலுத்திக் கொள்ளும் வகையில் நடவடிக்கை எடுக்க வேண்டும்.