சென்னை உயர்நீதிமன்றத்தில் புதிய தலைமை நீதிபதி பொறுப்பேற்கும் வரை தலைமை நீதிபதியாக (பொறுப்பு) துரைசாமி பதவி வகிப்பார் என்று அறிவிக்கப்பட்டுள்ளது.  

சென்னை உயர்நீதிமன்றத்தின் தலைமை நீதிபதியாக முனீஸ்வரர் நாத் பண்டாரி விரைவில் பதவியேற்கவுள்ளார். அதுவரை உயர்நீதிமன்ற தலைமை நீதிபதியாக (பொறுப்பு) துரைசாமி பதவி வகிப்பார். இதற்கு குடியரசுத் தலைவரும் ஒப்புதல் வழங்கியுள்ளார்.

படிக்க | எந்தெந்த மாவட்டங்களில் பள்ளி, கல்லூரிகளுக்கு நாளை விடுமுறை?

அலகாபாத் உயர் நீதிமன்ற நீதிபதி முனீஸ்வர்நாத் பண்டாரியை சென்னை உயர்நீதிமன்ற தலைமை நீதிபதி பதவிக்கு உச்சநீதிமன்ற கொலீஜியம் பரிந்துரைத்துள்ளது.

மேகாலயா உயர்நீதிமன்றத்திற்கு இடமாற்றம் செய்யப்பட்ட சென்னை உயர்நீதிமன்ற தலைமை நீதிபதி சஞ்சீவ் பானர்ஜி, இன்று (நவ.17) காலை காரில் சாலை மார்க்கமாக கொல்கத்தாவிற்கு புறப்பட்டுச் சென்றார். அவருக்காக ஏற்பாடு செய்யப்பட்டிருந்த பிரிவு உபச்சார விழாவையும் புறக்கணித்து அவர் பயணம் மேற்கொண்டார்.

தனிப்பட்ட முறையில்  விடைபெறாமல் செல்வதற்காக என்னை  மன்னியுங்கள் என்றும் அவர் கடிதம் மூலம் வருத்தம் தெரிவித்தார்.