விஜயகாந்த்தின் திரைப்பட பெயர்களை வைத்தே அவரை வாழ்த்திய தமிழிசை

தேமுதிக தலைவர் விஜயகாந்த்தின் திரைப்பட பெயர்களை வைத்தே அவருக்கு  தெலங்கானா ஆளுநர் தமிழிசை செளந்தரராஜன்  வாழ்த்து தெரிவித்துள்ளார்.

தெலங்கானா ஆளுநர் தமிழிசை சௌந்தரராஜன் தெரிவித்துள்ள வாழ்த்து பலரின் கவனத்தை ஈர்த்துள்ளது.  தமிழிசை சௌந்தரராஜன் தனது சுட்டுரைப் பக்கத்தில் வெளியிட்டுள்ள பதிவில்,

"வானத்தைப் போல" பரந்த மனதுடன் இருப்பதால் அனைவரின் அன்பையும், "மரியாதை"யையும் பெற்று "புலன் விசாரணை" செய்தாலும் எந்த குறையும் கண்டுபிடிக்க முடியாத அன்பின் "சகாப்தமாக" "கேப்டனாக" "மரியாதை"யுடன் "நெறஞ்ச மனசு"டன் வலம் வந்து கொண்டிருக்கும் 

அண்ணன் திரு.விஜயகாந்த் அவர்களுக்கு எனது இனிய பிறந்த நாள் வாழ்த்துக்களை தெரிவித்துக்கொள்கிறேன். பூரண உடல் ஆரோக்கியத்தோடு நீண்ட ஆயுளுடன் மக்கள் பணியாற்ற எல்லாம் வல்ல இறைவனை வேண்டுகிறேன் என்று தனது வாழ்த்து செய்தியை தேமுதிக தலைவர் விஜயகாந்த்துக்கு தெரிவித்துள்ளார்.