வால்பாறை நகராட்சித் தேர்தலில் திமுக சார்பில் போட்டியிட்ட தாய், மகன் வெற்றி பெற்றனர்.
வால்பாறை நகராட்சி முன்னாள் தலைவர் கணேசன். திமுக தோட்டத் தொழிற்சங்கத் தலைவரான இவரது மனைவி காமாட்சி 10-ஆவது வார்டிலும், மகன் மகுடீஸ்வரன் 9-ஆவது வார்டிலும் போட்டியிட்டனர். இவர்கள் இருவருமே வெற்றி பெற்றனர்.
கோவில்பட்டி: கோவில்பட்டி நகராட்சியில் மார்க்சிஸ்ட் கம்யூனிஸ்ட் நகரச் செயலர் ல.பெ.ஜோதிபாசு 27-வது வார்டிலும், அவரது தாய் ல.விஜயா 18-வது வார்டிலும் போட்டியிட்டு வெற்றி பெற்றது குறிப்பிடத்தக்கது. 9-ஆவது வார்டு சுயேச்சை வேட்பாளர் அ.ஜன்னத்துள் பிர்தோஷ் ஒரேயொரு வாக்கு மட்டும் பெற்றிருந்தார்.