தமிழக சட்டப்பேரவை கூட்டத்தொடர் நாளை (ஜன.5) தொடங்கவுள்ள நிலையில் முதல்வர் மு.க.ஸ்டாலின் தலைமையில் ஆலோசனை நடைபெறுகிறது. 

பேரவை கூட்டத்தொடர் நடைபெறும் கலைவாணர் அரங்கில் முன்னெச்சரிக்கை நடவடிக்கைகள் மேற்கொள்வது தொடர்பாக ஆலோசனை நடைபெறுவதாக தெரிவிக்கப்பட்டுள்ளது.

கரோனா தொற்று, ஒமைக்ரான் பரவலுக்குமிடையே, 16-வது சட்டப் பேரவையின் இரண்டாவது கூட்டத் தொடர் நாளை காலை சென்னை கலைவாணர் அரங்கத்தில் ஆளுநர் உரையுடன் தொடங்குகிறது. 

ஒவ்வொரு ஆண்டின் தொடக்கத்திலும் சட்டப்பேரவை கூட்டத்தொடர் நடைபெறும். அதில் அந்த ஆண்டுக்கான அரசுத் திட்டங்கள் முன்வைக்கப்படும்.