மதுரை: மதுரை மாவட்டத்தில் உள்ள 10 சட்டப்பேரவை தொகுதிகளில் 27 லட்சத்து 13 ஆயிரத்து 33 வாக்காளர்கள் இடம் பெற்றுள்ளனர்.

மதுரை மாவட்டத்தின் இறுதி வாக்காளர் பட்டியலை மாவட்ட ஆட்சியர் எஸ்.அனீஷ் சேகர் புதன்கிழமை வெளியிட்டார். பின்னர் செய்தியாளர்ளிடம் அவர் கூறியது: 

மதுரை மாவட்டத்தில் 10 சட்டப்பேரவைத் தொகுதிகளில் 27 லட்சத்து 13 ஆயிரத்து 33 வாக்காளர்கள் இடம் பெற்றுளளனர். இவர்களில் 13,31,825 பேர் ஆண்கள்.13,81,007 பேர் பெண்கள்.  201 பேர் மூன்றாம் பாலினத்தவர்.

இதையும் படிக்க | கரோனாவை கட்டுப்படுத்துவதில் தமிழகம் முன்னோடி: ஆளுநர் உரையின் சிறப்பு அம்சங்கள்

வாக்காளர் பட்டியல் திருத்தப்பணியின் போது10,768 பேர் நீக்கம் செய்யப்பட்டு உள்ளனர், 42,074 பேர்  பட்டியலில் சேர்க்கப்பட்டு உள்ளனர், 

மதுரை மாவட்டத்தில் உள்ள 10  தொகுதிகளில் அதிக வாக்காளர்களை கொண்ட தொகுதியாக மதுரை கிழக்கு தொகுதி உள்ளது.

இத்தொகுதியில் 3,31,829 வாக்காளர்கள் உள்ளனர், குறைந்த வாக்காளர்களைக் கொண்ட தொகுதியாக சோழவந்தான் தொகுதி உள்ளது, இத்தொகுதியில் 2,19,194 வாக்காளர்கள் உள்ளனர் என்றார்.

இதையும் படிக்க |ஜெயலலிதா நினைவு இல்ல மேல்முறையீட்டு மனு தள்ளுபடி