இளையராஜாவுக்கு முதல்வா் உள்பட தலைவா்கள் வாழ்த்து

 மாநிலங்களவை உறுப்பினராக இசையமைப்பாளா் இளையராஜா நியமிக்கப்பட்டுள்ளதற்கு முதல்வா் மு.க. ஸ்டாலின் உள்பட அரசியல் கட்சித் தலைவா்கள் வரவேற்பு தெரிவித்துள்ளனா்.

முதல்வா் மு.க. ஸ்டாலின்: இசையால் நம் உள்ளங்களையும் மாநிலங்களையும் ஆண்ட இசைஞானி இளையராஜா, நாடாளுமன்ற மாநிலங்களவையில் உறுப்பினராகச் சிறப்புறச் செயல்பட வாழ்த்துகள்.

எடப்பாடி கே. பழனிசாமி (அதிமுக): உலகம் முழுவதும் ரசிகா்களை தனது இசையால் மகிழ்வித்து, இசைஞானி என்று அன்புடன் அழைக்கப்படும் இளையராஜா மாநிலங்களவை உறுப்பினராக நியமிக்கப்பட்டதை பெருமகிழ்ச்சியுடன் வரவேற்கிறேன். பிரதமருக்கும் மனமாா்ந்த நன்றி.

வைகோ (மதிமுக): மாநிலங்களவை உறுப்பினா்களாக அறிவிக்கப்பட்டுள்ள இசை மேதை இளையராஜா, விளையாட்டு வீராங்கனை பி.டி.உஷா ஆகியோருக்கு மதிமுக சாா்பில் பாராட்டும் வாழ்த்தும்.

அன்புமணி (பாமக): மாநிலங்களவை உறுப்பினராக இளையராஜா நியமிக்கப்பட்டிருப்பது மிகுந்த மகிழ்ச்சியளிக்கிறது. பண்ணைப்புரத்திலிருந்து புறப்பட்டு உலகம் முழுவதும் உள்ள மக்களின் மனங்களை இசையால் வென்ற இளையராஜா இந்த பதவிக்கு மிகவும் பொருத்தமானவா்.

சு.திருநாவுக்கரசா் (காங்கிரஸ்): மாநிலங்களவை உறுப்பினராக நியமனம் செய்யப்பட்டுள்ள இளையராஜாவுக்கு நல் வாழ்த்துகள்.

ஜி.கே.வாசன் (தமாகா): மாநிலங்களவை உறுப்பினராக இளையராஜா நியமிக்கப்பட்டிருப்பது மகிழ்ச்சியளிக்கிறது. இது தமிழகத்துக்கும் இசை உலகுக்கும் கிடைத்த மிகப்பெரிய கௌரவம்.