தமிழகத்தின் மதிப்பு உயரும்: முதல்வா் மு.க.ஸ்டாலின்

செஸ் ஒலிம்பியாட் போட்டியை நடத்துவதால் தமிழகத்தின் மதிப்பு உயா்ந்துள்ளது என்று முதல்வா் மு.க.ஸ்டாலின் கூறினாா்.

ஒலிம்பியாட் போட்டி தொடக்க விழாவில் முதல்வா் மு.க.ஸ்டாலின் பேசியது: இந்தியாவுக்கு பெருமை சோ்க்கும் நாள் இன்று. ஒலிம்பியாட் போட்டியை தமிழகத்தில் நடத்துவதற்கான வாய்ப்பு கிடைத்தது எங்களுக்குப் பெருமை. விழா நடைபெறும் நேரு உள்விளையாட்டு அரங்கத்துக்கும் பன்னாட்டு அங்கீகாரம் கிடைத்துள்ளது.

பிரதமா் குறித்து புகழாரம்: பிரதமா் மோடிக்கு செஸ் விளையாட்டின் மீது உள்ள ஆா்வத்தை அனைவரும் அறிவா். குஜராத் முதல்வராக அவா் இருந்தபோது, 20,000 வீரா்கள் பங்கேற்கும் செஸ் போட்டியை நடத்தினாா். அப்போது பூடான் அரச குடும்பத்தினா் நிகழ்ச்சியில் பங்கேற்றனா். பூடான் இளவரசருக்கு சதுரங்கப் பலகை தொகுப்பை பரிசாக அளித்தாா். இதுவே ஒலிம்பியாட் போட்டியை பிரதமா் தொடங்கி வைக்கும் அளவுக்கு வந்துள்ளது.

பிரதமரின் பெருந்தன்மை: விழாவுக்கான அழைப்பிதழுடன் தில்லி சென்று பிரதமரை நேரில் அழைக்கத் திட்டமிட்டிருந்தேன். ஆனால், கரோனா தொற்றின் காரணமாக நேரில் செல்ல இயலவில்லை. மருத்துவமனையில் சிகிச்சை பெற்று வந்த என்னை நலம் விசாரிப்பதற்காக பிரதமா் தொடா்பு கொண்டாா். என்னை நலம் விசாரித்த அவரிடம் எனது நிலையை விளக்கினேன். அவா் பெருந்தன்மையோடு நீங்கள் ஓய்வெடுத்துக் கொள்ளுங்கள். நான் நிச்சயம் கலந்து கொள்வேன். இந்த விழாவானது இந்தியாவுக்கே பெருமை தரக்கூடிய விழா என்று கூறினாா்.

உலக அளவில் தமிழகம் மீது கவனம்: ஒலிம்பியாட் போட்டியின் மூலம் உலக அளவில் தமிழகத்தின் மீது கவனம் ஏற்பட்டுள்ளது. இந்தப் போட்டியின் மூலம் தமிழகத்தின் விளையாட்டுத் துறை மட்டுமல்ல, சுற்றுலாத் துறையும் தொழில் துறையும் மிகப்பெரிய வளா்ச்சியை அடைய இருக்கிறது; தமிழகத்தின் மதிப்பும், தமிழக அரசினுடைய மதிப்பும் பெருமளவு மேலும் மேலும் உயா்கிறது. இந்த உயா்வு என்பது மிகச் சாதாரணமாகக் கிடைத்து விடுவது அல்ல. சரியான திட்டமிடல், கடினஉழைப்பு, அதனுடைய விளைவே இந்த உயா்வு.

கி.பி. 6-ஆம் நூற்றாண்டுக்கு முன்னரே இந்தியத் துணைக்கண்டத்தில் விளையாடப்பட்டு வந்த சதுரங்க விளையாட்டுதான், இன்று உலகம்

முழுவதும் செஸ் என்ற பெயரால் பரவி இருக்கிறது. சில சில மாறுதல்களுடன் உலகின் பல்வேறு நாடுகளில் சதுரங்கம் விளையாடப்பட்டு வருகிறது.

சதுரங்கப்பட்டினத்தின் வரலாறு: ஒலிம்பியாட் போட்டி இயற்கை எழில் நிறைந்த மாமல்லபுரத்தில் நடைபெறுவதற்கான ஏற்பாட்டை தமிழக அரசு செய்திருக்கிறது. மாமல்லபுரம் இந்தியக் கட்டடக்கலையின் அருங்காட்சியகம். அதற்குப் பக்கத்தில்தான் சதுரங்கப்பட்டினம் என்ற கடலோரப் பகுதி இருக்கிறது.

சென்னைப் பட்டணத்தை மெட்ராஸ் என்று அழைத்ததைப் போல சதுரங்கப்பட்டினத்தை சத்ராஸ் என்று அழைத்தாா்கள். மன்னா் காலத்தில் இருந்து புகழ்பெற்ற ஊா் அந்த ஊா். இன்றைக்கு தொல்லியல் துறையின் கட்டுப்பாட்டில் அந்த ஊா் கோட்டை இருக்கிறது. அத்தகைய சதுரங்கப்பட்டினத்துக்கு அருகில்தான் உலகப்புகழ் பெற்ற சதுரங்கப் போட்டி நடக்க இருக்கிறது.

26 கிராண்ட் மாஸ்டா்கள்...: இந்தியாவின் 73 கிராண்ட் மாஸ்டா்களில் 26 கிராண்ட் மாஸ்டா்கள் தமிழகத்தைச் சோ்ந்தவா்கள். அதாவது 36 சதவீதம் போ் தமிழகத்தைச் சோ்ந்தவா்கள். செஸ் விளையாட்டு அறிவையும், உத்தியையும் கொண்டதாகும்.

பிரதமருக்கு நன்றி: செஸ் ஒலிம்பியாட் என்பது விளையாட்டுப் போட்டியாக மட்டுமல்ல, விளையாட்டு விழாவாக மட்டுமல்ல, இந்தியாவில் நடைபெறும் உலகளாவிய பண்பாட்டுத் திருவிழாவைப் போல் ஒரு சகோதரத்துவ மனப்பான்மையுடன் நடைபெற்றுக் கொண்டிருக்கிறது. இதற்காக பிரதமருக்கு நன்றி. இது போன்ற வாய்ப்புகளை தொடா்ந்து நீங்கள் தமிழகத்துக்குத் தாருங்கள்.

சதுரங்க காய்களும் கீழடியும்...: ஓா் அரசன், ஓா் அரசி, இரு அமைச்சா்கள், இரு குதிரைகள், இரு கோட்டைகள், எட்டுச் சிப்பாய்கள் என கருப்பு - வெள்ளை ராணுவ மைதானமாகவே காட்சி அளிப்பது சதுரங்கம். பல்லாயிரம் ஆண்டுப் பழைமையைக் கொண்ட தமிழினம் வாழ்ந்த அடையாளம் கொண்ட பகுதியாக கீழடி நமக்கு வரலாறு சொல்லிக் கொண்டிருக்கிறது.

கீழடியில் ஏராளமான பொருள்கள் கண்டுபிடிக்கப்பட்டுள்ளன. அங்கு இரண்டு வகையான ஆட்டக்காய்கள் கிடைத்துள்ளன. தந்தத்தினால் ஆன காய்கள் இவை. இவ்வகையான பொருள்கள், சதுரங்கம் போன்ற விளையாட்டுகளை விளையாடப் பயன்படுத்தப்பட்டிருக்கலாம் என்று ஆய்வாளா்கள் சொல்கிறாா்கள்.

இவை அனைத்தும் சுடுமண்ணால் சுடப்பட்டு பெரும்பாலும் கருப்பு நிறம் கொண்டவையாக உள்ளன. குழந்தைகள் விளையாட்டில் பயன்படுத்தப்படும் சில்லுகள் கருப்பு சிவப்பு கொண்டவையாக உள்ளன. போரில் யானையும் உண்டு, குதிரையும் உண்டு. கோட்டையும் உண்டு வீரா்களும் உண்டு. அரசனும் உண்டு, அரசியும் உண்டு. போா் மரபுக்கும் தமிழா்களுக்கும் தொடா்பு இருப்பதை கீழடி நமக்குச் சொல்கிறது.

ஆனைக்குப்பு என்று சதுரங்க விளையாட்டுக்கு தமிழ் இலக்கியத்தில் பெயா் இருந்துள்ளது. ஆனைக்குப்பு ஆடுவோரைப் போலவே என்று நாலாயிர திவ்ய பிரபந்தம் சொல்கிறது. அந்தளவுக்குப் பல்லாயிரம் ஆண்டு தொடா்பு, சதுரங்க விளையாட்டுக்கும் தமிழகத்துக்கும் உண்டு என்றாா் முதல்வா் ஸ்டாலின்.