சென்னையில் தங்கம் விலை மேலும் ரூ.200 குறைந்து ஒரு பவுன் ரூ.37,720-க்கு விற்பனையானது.

சென்னையில் தங்கத்தின் விலை செவ்வாய்க்கிழமை ரூ.760 குறைந்து ஒரு பவுன் ரூ.37, 920க்கு விற்பனையானது. இந்த நிலையில், தொடா்ந்து இரண்டாவது நாளாக புதன்கிழமையும் தங்கம் விலை மேலும் குறைந்தது.

சென்னையில் ஆபரணத் தங்கத்தின் விலை கிராமுக்கு ரூ.25 குறைந்து ரூ.4,715-க்கு விற்பனையாகிறது. பவுனுக்கு ரூ.200 குறைந்து ரூ.37,720-க்கு விற்பனையாகிறது. வெள்ளியின் விலை மாற்றமின்றி ரூ.66-க்கு விற்பனையாகிறது. ஒரு கிலோ வெள்ளியின் விலை புதன்கிழமை ரூ.66,000 ஆக உள்ளது.

திடீரென தங்கத்தின் விலை வீழ்ச்சியடைவதற்கு உலகம் முழுவதும் அதிகரித்துக் கொண்டே வரும் பணவீக்கம் முக்கிய காரணமாக இருக்கும். அதுமட்டுமில்லாமல் மத்திய வங்கியில் தொழில்துறை, வா்த்தகம் மற்றும் பொருளாதார குறியீடுகள் குறித்த அறிவிப்புகள் பாதகமாக உள்ளதால் தங்கம் விலை வீழ்ச்சியடைந்திருக்கலாம் என நகை வியாபாரிகள் தெரிவித்தனா்.