காங்கிரஸ் மூத்த தலைவர் ராகுல் காந்தியின் பிறந்த நாளுக்கு தமிழ்நாடு முதல்வர் மு.க. ஸ்டாலின் வாழ்த்து தெரிவித்துள்ளார்.

காங்கிரஸ் மூத்த தலைவரும் எம்.பி.யுமான ராகுல் காந்தி இன்று (ஞாயிற்றுக்கிழமை) தனது 53-வது வயதில் அடியெடுத்து வைக்கிறார். அவரது பிறந்த நாளுக்கு தலைவர்கள் வாழ்த்து தெரிவித்து வருகின்றனர். 

ட்விட்டர் பக்கத்தில் தமிழ்நாடு முதல்வர் பதிவிட்டுள்ளதாவது:

"என் அன்பு சகோதரருக்கு பிறந்தநாள் வாழ்த்துகள். ஒருவரது வலிமையும் மனஉறுதியும் கடினமான காலங்களில் தெரியும். இந்த சோதனைக் காலங்களில் உங்களது அர்ப்பணிப்பையும், தளராத துணிச்சலையும் நாடு பார்க்கிறது. நமது புகழ்பெற்ற குடியரசை மீட்டெடுப்பதில் வெற்றிபெற உங்களை வாழ்த்துகிறேன்."

இதையும் படிக்க | அக்னிபத்: ராஜ்நாத் மீண்டும் ஆலோசனை

நாடு முழுவதும் அக்னிபத் திட்டத்துக்கு எதிராக இளைஞர்கள் போராட்டத்தில் ஈடுபட்டு வருகின்றனர். இதன் காரணமாக, தனது பிறந்த நாளைக் கொண்டாட வேண்டாம் என கட்சித் தொண்டர்களுக்கு ராகுல் காந்தி வேண்டுகோள் விடுத்துள்ளது குறிப்பிடத்தக்கது.