சென்னையில் மார்ச் 25-ல் பாஜக ஆர்ப்பாட்டம்

சென்னையில் பாரதிய ஜனதா கட்சியின் மாநிலத் தலைவர் அண்ணாமலை தலைமையில் மார்ச் 25ஆம் தேதி ஆர்ப்பாட்டம் நடைபெறும் என அறிவிக்கப்பட்டுள்ளது.

தமிழக சட்டப்பேரவையில் மார்ச் 18ஆம் தேதி வரும் ஆண்டிற்கான நிதிநிலை அறிக்கை தாக்கல் செய்யப்பட்டது.

இதையும் படிக்க |  60 கி.மீட்டருக்கு ஒரு சுங்கச்சாவடி: கூடுதலாக இருந்தால் அகற்றப்படும் -நிதின் கட்கரி

இந்நிலையில், ஏமாற்றம் அளிக்கும் பட்ஜெட்டை தமிழக அரசு தந்துள்ளதாக பாஜக தலைவர் அண்ணாமலை விமர்சனம் செய்துள்ளார். மேலும், தமிழக அரசை கண்டித்து சென்னை வள்ளுவர் கோட்டம் அருகே மார்ச் 25ஆம் தேதி ஆர்ப்பாட்டம் நடத்தவுள்ளதாகவும் தெரிவித்துள்ளார்.