தமிழகத்தில் 11 இடங்களில் திங்கள்கிழமை 100 டிகிரி பாரன்ஹீட்டை தாண்டி வெயில் பதிவானது. அதிகபட்சமாக, வேலூரில் 107 டிகிரி வெப்பநிலை வாட்டியது.

திருத்தணியில் 105 டிகிரியும், மதுரை விமானநிலையம், தஞ்சாவூரில் 104 டிகிரியும், கரூா்பரமத்தி, திருச்சியில் 103 டிகிரியும், சென்னை மீனம்பாக்கத்தில் 102 டிகிரியும், ஈரோடு, மதுரையில் நகரில் 101 டிகிரியும், நாமக்கல், சேலத்தில் தலா 100 டிகிரியும் பதிவானது. சென்னை நுங்கம்பாக்கம், கடலூா், பாளையங்கோட்டையில் 99 டிகிரியும் பதிவானது.

வெப்ப நிலை உயரும்: சென்னை வானிலை ஆய்வு மைய அதிகாரி கூறுகையில்,‘தமிழகத்தில் ஓரிரு இடங்களில் அடுத்த இரு நாள்களுக்கு அதிகபட்ச வெப்பநிலை இயல்பைவிட 2 டிகிரி முதல் 3 டிகிரி செல்சியஸ் அதிகமாக இருக்கக்கூடும்’ என்றாா் அவா்.