அம்பேத்கர் சட்டப் பல்கலைக்கழக திருத்த மசோதாவை தமிழக சட்டப்பேரவையில் அமைச்சர் ரகுபதி தாக்கல் செய்தார்.

தமிழக சட்டப்பேரவையில் இன்று போக்குவரத்துத்துறை மற்றும் சுற்றுலாத்துறை மீதான மானிய கோரிக்கை விவாதம் நடைபெற்று வருகின்றன. தொடர்ந்து, இந்த துறைகளுக்கான புதிய அறிவிப்புகள் இன்று பிற்பகலில் துறை சார்ந்த அமைச்சர்கள் வெளியிடவுள்ளனர்.

இதற்கிடையே, அம்பேத்கர் சட்டப் பல்கலைக்கழக திருத்த மசோதாவை தமிழக சட்டப்பேரவையில் சட்டத்துறை அமைச்சர் ரகுபதி தாக்கல் செய்தார்.

அம்பேத்கர் சட்டப் பல்கலைக்கழக வேந்தராக தமிழக முதல்வர் இருக்கும் வகையில் இந்த மசோதா உருவாக்கப்பட்டுள்ளது. மேலும், துணை வேந்தரை ஆளுநருக்கு பதிலாக முதல்வரே நியமிக்கும் வகையில் திருத்தம் செய்யப்பட்டுள்ளது.