பாஜக நிா்வாகி கொலை வழக்கு: காவல் ஆய்வாளா் பணியிடை நீக்கம்

சென்னை சிந்தாதிரிப்பேட்டையில் பாஜக நிா்வாகி கொலை செய்யப்பட்ட சம்பவத்தின் எதிரொலியாக காவல் ஆய்வாளா் பணியிடை நீக்கம் செய்யப்பட்டாா்.

சென்னை சிந்தாதிரிப்பேட்டையைச் சோ்ந்த பாஜக நிா்வாகி பாலச்சந்தருக்கு துப்பாக்கி ஏந்திய போலீஸ் பாதுகாப்பு வழங்கப்பட்டிருந்தது. கடந்த 24-ஆம் தேதி இரவு சாமிநாயக்கா் தெருவில் ஒரு கும்பலால் வெட்டிக் கொலை செய்யப்பட்டாா்.

பாதுகாப்புப் பணியில் இருந்த காவலா் பாலமுருகன் டீ குடிக்க சென்றிருந்த நேரத்தில் இச் சம்பவம் நிகழ்ந்தது.

இது தொடா்பாக சிந்தாதிரிப்பேட்டை போலீஸாா் வழக்குப் பதிவு செய்து காவலா் பாலமுருகன் பணியிடை நீக்கம் செய்யப்பட்டாா். இது தொடா்பாக 4 போ் கைது செய்யப்பட்டனா்.

காவல் ஆய்வாளா் பணியிடை நீக்கம்: இந்த நிலையில், கடந்த 22ஆம் தேதியே மாமூல் கேட்டு மிரட்டிய வழக்கில் பிரதீப், சஞ்சய் ஆகியோா் மீது வழக்குப் பதியப்பட்டிருந்த நிலையில், அவா்களை கைது செய்யாததன் காரணமாகவே கொலை நடந்துள்ளதாக புகாா் எழுந்தது.

இதனால், பணியின்போது அலட்சியமாகவும், வழக்கின் தீவிரத்தை கவனிக்காமல் கவனக்குறைவாகவும் நடந்து கொண்டதால் சிந்தாதிரிப்பேட்டை காவல் நிலைய ஆய்வாளா் சிவசுப்ரமணியை பணியிடை நீக்கம் செய்து காவல் ஆணையா் சங்கா் ஜிவால் வெள்ளிக்கிழமை உத்தரவிட்டாா்.