மணிப்பூா் மாநில ஆளுநா் இல.கணேசன் சகோதரரின் 80-ஆவது பிறந்த நாள் விழா: முதல்வா், ரஜினி வாழ்த்து

மணிப்பூா் மாநில ஆளுநரும், மேற்குவங்க மாநில பொறுப்பு ஆளுநருமான இல.கணேசனின் சகோதரா் இல.கோபாலன் 80-ஆவது பிறந்த நாள் விழா சென்னையில் வியாழக்கிழமை நடைபெற்றது.

இந்த விழாவில் தமிழக முதல்வா் மு.க.ஸ்டாலின், மேற்குவங்க முதல்வா் மம்தா பானா்ஜி, நாடாளுமன்ற திமுக குழுத் தலைவா் டி.ஆா்.பாலு, நடிகா் ரஜினிகாந்த் உள்ளிட்டோா் கலந்து கொண்டு இல.கோபாலன், அவரது மனைவி சந்திரா கோபாலன் ஆகியோருக்கு வாழ்த்துத் தெரிவித்தனா்.

முன்னதாக, விழாவில் பங்கேற்க வந்தபோது, மேற்குவங்க முதல்வா் மம்தா பானா்ஜிக்கு செண்டமேளம் இசைத்து வரவேற்பு அளிக்கப்பட்டது. அப்போது, அவா் ஆா்வத்துடன் செண்டமேளம் இசைத்தாா்.