தமிழகத்தில் மேலும் 84 பேருக்கு கரோனா தொற்று உறுதி செய்யப்பட்டுள்ளது.

இதுகுறித்து மக்கள் நல்வாழ்வுத்துறை வெளியிட்டுள்ள செய்திக்குறிப்பில் கூறப்பட்டு இருப்பதாவது:- தமிழகத்தில் இன்று புதிதாக 84 பேருக்கு கரோனா உறுதி செய்யப்பட்டுள்ளது. இதில் அதிகபட்சமாக சென்னையில் 18 போ் பாதிக்கப்பட்டுள்ளனா். 

இதையும் படிக்க- அரசியலில் இருந்து மதத்தினை பிரிக்க வேண்டும்: குலாம் நபி ஆசாத்

இதனால் மொத்த பாதிப்பு 35,93,291-ஆக அதிகரித்துள்ளது. கரோனாவால் இன்று யாரும் உயிரிழக்கவில்லை. இதையடுத்து மொத்த பலி எண்ணிக்கை 38,048ஆக உள்ளது. இன்று ஒரு நாளில் மட்டும் 121 பேர் குணமடைந்து வீடு திரும்பியுள்ளனர். 

இதையடுத்து இதுவரை குணமடைந்தோர் எண்ணிக்கை 35,54,454-ஆக உயர்ந்துள்ளது. தற்போது 789 பேர் கரோனா சிகிச்சையில் உள்ளனர்.